منتدى فيه كل الي تتمناه
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 تعرف تعيش فى مصر ب1000 جنيه؟؟؟

اذهب الى الأسفل 
كاتب الموضوعرسالة
الايطالى
عضو مبتدء
عضو مبتدء
avatar

المساهمات : 139
تاريخ التسجيل : 26/11/2008

مُساهمةموضوع: تعرف تعيش فى مصر ب1000 جنيه؟؟؟   السبت ديسمبر 06, 2008 6:24 pm

لو شاطر... تعرف تعيش فى مصر بـ 1000 جنيه ! ! !


البيان
مصروف يومي
مصروف أسبوعي
مصروف شهري
ملاحظات


عيش بلدي 1 ج يوميا 30 شهريا

بس لازم تلحق دورك فى طابور الفرن وتلحق شغلك فى نفس الوقت ربنا معاك

حليب 4 يوميا 120شهريا

عدد واحد لتر يومياً ويارب ميطلعش بودرة سيراميك ويكفى العيال

فول 8 اسبوعيا 32 شهريا

كيلو فول اسبوعيا يعنى 125 جرام يوميا رضا والحمد لله

جبنة بيضاء 20 اسبوعيا 80 شهريا

كيلو في الأسبوع 125 جرام يوميا انت عايش

بيض 20 شهريا

عبارة عن 10 بيضات فى الاسبوع يعنى لو اربع افراد يبقى بيضه ونص يوميا للاربعة

خضار10 يوميا 40 شهريا

عبارة عن صنف واحد بس + كيلو طماطم + لمونه وحزمة جرجير اسبوعيا

فواكهه 5 اسبوعيا 20 شهريا

عبارة عن كيلو برتقال أو قشر موز مرة اسبوعيا علشان العيال تفتكر اسمة

شاى10

لزوم الكيف اللى بيذل والضيوف الرزلين

سكر 4 اسبوعيا 16 شهريا

عدد واحد كيلو اسبوعيا مش بقولكم الكييف يذل وضيوف معندهمش دم

ارز 4 اسبوعيا 16 شهريا

عدد واحد كيلو اسبوعيا للعائلة كلها يعنى 125جرام يوميا متوسط الفرد 40 جرام

زيت 10 اسبوعيا 40 شهريا

لتر اسبوعيا علشان تشرب بق على الريق يزيت معدتك 000 يستعمل كبديل للخضروات

مكرونه 8 اسبوعيا 32 شهريا

عبارة عن عدد 4 كيس 400 جرام اسبوعيا 0000 خلى العيال تنبسط

دجاج 20 اسبوعيا 80 شهريا

عدد واحد دجاجة اسبوعيا للعائله 000000 اظن معقول

لحم 30 اسبوعيا 120 شهريا

عدد واحد كيلو لحم اسبوعيا لزوم صنف الخضار واللمونه وحزمة الجرجير 000 الف هنا

توابل 10 شهريا

عبارة عن دقيق + ملح + كمون + فلفل + كسبرة + وممكن تديها خل براحتك

صابون 15 شهريا

عبارة عن صابونه واحدة للحمام + صابون مواعين + مسحوق للملابس ( النظافة عموما )

مواصلات 2 ج يوميا 60 شهريا

بعد طابور الفرن تركب أتوبيس الهيئة ذهاب وعودة وبهدله وفرهده لفرد واحد يوميا

حلاق 10 شهريا

عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )

مدرسة 10 اسبوعيا 40 شهريا

عبارة عن مصروفات المدرسة + مصروف العيال اليومى + كراسات واقلام وجلاد 00ألخ

دكتور 30 شهريا

نمرض بالدور طبعا عدد اربع افراد مرة واحدة للفرد كل 4 اشهر وربنا يستر

ادوية 50 شهريا

أكيد طبعا العلاج بالدور وربنا يستر واتنين ميمرضوش فى وقت واحد تبقى كارثه

تليفون 10 شهريا

اشتراك الهيئة هنرد بس ومش هنتكلم معدش ينفع كلام

مياة 10 شهريا

للاسف لازم نشرب مياة ملوسة بالمجارى

غاز 5 شهريا

الحمد لله غاز طبيعى الله فى عون اللى عنده انابيب ( 10 جنيه للانبوبه ) وممكن تطلع فاضية

نور 20 شهريا

لمواكبة التطور غساله ملهاش مسحوق - تلاجة فاضية - بوتجاز يستخدم مرة كل اسبوع

قمامة 10 شهريا

اجبارى طبعا ومن الواضح ان العشة دى مفيهاش اكل اساس يبقى القمامة هتيجى منين


بواب 15 شهريا

مهو من حقه يعيش هو كمان لو عشر شقق يبقى 150 جنية شهريا خليه يهيس

صيانة 30 شهريا

لاصلاح الاجهزة بالدور غساله - سخان - بوتجاز - مروحه - تلاجة - سباكة - لمبات انارة الخ


ملابس 100 شهريا


عبارة عن الصيفى والشتوى داخلى وخارجى واحذية وشرابات وكلونات واتصرف بقى

الاجمالى

1081

~~~

اكيد اللى هيخليك تعرف تعمل الكلام اللى فوق ده هيخليك تتصرف وتضغط مصروفاتك شويه علشان تبقى الحسبة 1000 جنية اقولك متمرضش ومتخدش ادوية وشيل 80 جنية معلش ربنا يقويك وينصرك على من يعاديك ويكفيك شر المرض


ايجار الشقة طبعا قانون جديد وللاسف ملهوش قانون كل واحد وبخته ومش هنحسبها كل واحد يقعد عند امه وبالمناسبة

عيد الام ربنا يخليها ويديها الصحه
كل سنة وهى طيبة ( 0 )

عيد الكحك
مضر وملهوش لزمة ( 0 )
كل سنة وانتم طيبين

عيد اللحمة
مضر وملهوش لزمة ( 0 )
كل سنة وانتم طيبين

حلاوة المولد
السكر مضر وملهوش لزمة ( 0 )
كل سنة وانتم طيبين


~~~

أخ خ خ نسيت احسب زكاة الفطر بس مش عارف هتدفع ولا هتأخد ؟

عموما نقول على قائمة الممنوعات والمحظورات 000 متقربوش منها علشان تعرفو تتنيلو وتكملو الشهر

ممنوع عنك الحلاوة والمربى والعسل والزبدة وكافة انواع الجبن عدا ماذكر فى التعيين ( الجبنه البيضا )



المعلبات تونه بلوبيف لانشون سالمون فول وطبعا البسطرمة والزيتون والمخللات ممنوووووووووووووووع



اوعى قلبك يحن لعيل من العيال وتجيبله شيبسى ولا ببسى أو كراتيه ونايتى عسلية بسكوت شيكولاته اياك ومنتجات العيال الصغيرين حتى لو حليب بالفواكهه او لبانه وجيلى كولا وهوهوز حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل


احظر اللحوم بانواعها البفتيك والاستيك والرقبة والموزة واللوزة كله كلام فاضى خليك فى تعيينك الاسبوعى

ومتنساش ان البانية والفليه من الممنوعات ومتقربش ومتمشيش فى الشارع جنبك كنتاكى وهاردييز وهاربيز وتكه ومؤمن وكوك دور واياك من السندوتشات عموما زى الطعمية والبطاطس والبذنجان الحجات الحلوة دى مش مطلوبه تعملك حموضه وهتحتاج فوار واحنا منعناه مع الدوا وطبعا مش محتاج اقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ


خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بانواعها يالعربى انت زى العصفورة تاكل عيش ودنيبة رز وتشرب ميه عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد


اهم حاجة مترحش لدكتور متجبش مدرس ولا ادوية واياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم


طبيعى انك مش هتقرب من الفواكهة خالص البرقوق المنجو البطيخ الفراوله الكيوى الخوخ العنب التفاح حتى الكاكا والحرنكش والنبأ والقصب والدوم والتوت ممنوع سيادتك


وطبعا معجون الاسنان والحلاقة والشامبو والبلسم كلها رفهيات ملكش فيها زى البصل والتوم والبطاطس كلها اساسيات ملكش فيها برضه ومتنساش تبلغ الناس اللى تعرفهم هما اكيد زيك محتاجين شوية نظام مش اكتر هما غلابة وفكرهم يقولو لعيالهم لو شافو مسلسل فى التليفزيون مليان بهرجه ان دى قصص خياليه كانت فى العصور القديمة فترة من الزمن و ان الواقع زى ماهما شايفيين حتى الاعلانات حاولو تفهموهم انها مجرد الوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوربا كلها وان الحجات دى علشان لما الناس دى يجو عندنا يلاقو منها ويعرفو يعيشو هى مش لينا دى ليهم هما اصحاب البلد ولازم ينبسطو



بسسسسسسسسسسسس كده كفايه انا تعبت

عموما لو على الكلام مش هيخلص روح الحق طابوووووووووووووووووووووووووور العيش تبقى نصيبة لو الفرن شطب



تفتكروا 1000 جنية ... تكفى ؟!

((ان لله وانا اليه راجعون)) Sad Sad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشاكره لله
عضو نشط
عضو نشط
avatar

المساهمات : 209
تاريخ التسجيل : 25/11/2008

مُساهمةموضوع: رد: تعرف تعيش فى مصر ب1000 جنيه؟؟؟   الأحد ديسمبر 07, 2008 4:05 pm

يعينى عليكى يامصر وعلى اولادك
وعلى بيحصل فيهم ( بس فراعنة برضو جامدين وعايشين ) farao farao
يلا هانقول ايه قضاء وقدر Sad Sad
شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الايطالى
عضو مبتدء
عضو مبتدء
avatar

المساهمات : 139
تاريخ التسجيل : 26/11/2008

مُساهمةموضوع: رد: تعرف تعيش فى مصر ب1000 جنيه؟؟؟   الإثنين ديسمبر 08, 2008 2:58 pm

الشاكره لله كتب:
يعينى عليكى يامصر وعلى اولادك
وعلى بيحصل فيهم ( بس فراعنة برضو جامدين وعايشين ) farao farao
يلا هانقول ايه قضاء وقدر Sad Sad
شكرا
هههههههههههههههههههه جامدين وعايشين؟؟؟؟؟
(يمكن )

نورتى صفحاتى شاكره,,,,
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
frwla

avatar

المساهمات : 53
تاريخ التسجيل : 27/11/2008

مُساهمةموضوع: رد: تعرف تعيش فى مصر ب1000 جنيه؟؟؟   الثلاثاء ديسمبر 09, 2008 4:52 am

العيش في مصر بالف جنيه حلم لان مصر اصيبة بالعنة الفراعنة
شكرا اخوي وتقبل مروري lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moh_freedom
مساعد المدير
مساعد المدير
avatar

المساهمات : 180
تاريخ التسجيل : 25/11/2008
العمر : 36

مُساهمةموضوع: رد: تعرف تعيش فى مصر ب1000 جنيه؟؟؟   الأربعاء ديسمبر 10, 2008 4:40 pm

موضوعك وحش جدا ايطالى لانه خد من زاوية واحدة


وردى عليك

تقدر تعيش فى الكويت ب 250 دينار مع زوجتك واولادك
تقدر تعيش فى الامارات ب 5000 درهم مع زوجتك واولادك
تقدر تعيش فى قطر ب 5000 درهم مع زوجتك واولادك


دى على الكل يا ايطالى

تقدر انت تعيش فى ايطاليا ب 500 يورور silent
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الايطالى
عضو مبتدء
عضو مبتدء
avatar

المساهمات : 139
تاريخ التسجيل : 26/11/2008

مُساهمةموضوع: رد: تعرف تعيش فى مصر ب1000 جنيه؟؟؟   الجمعة ديسمبر 19, 2008 3:36 pm

frwla كتب:
العيش في مصر بالف جنيه حلم لان مصر اصيبة بالعنة الفراعنة
شكرا اخوي وتقبل مروري lol!
هههههههههههه ممكن بردو فرامله مش عارف اقول ايه؟؟؟
نورتى صفحاتى ,,,,
دمتى فى حفظ الله.,,,,
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الايطالى
عضو مبتدء
عضو مبتدء
avatar

المساهمات : 139
تاريخ التسجيل : 26/11/2008

مُساهمةموضوع: رد: تعرف تعيش فى مصر ب1000 جنيه؟؟؟   الجمعة ديسمبر 19, 2008 3:38 pm

moh_freedom كتب:
موضوعك وحش جدا ايطالى لانه خد من زاوية واحدة


وردى عليك

تقدر تعيش فى الكويت ب 250 دينار مع زوجتك واولادك
تقدر تعيش فى الامارات ب 5000 درهم مع زوجتك واولادك
تقدر تعيش فى قطر ب 5000 درهم مع زوجتك واولادك


دى على الكل يا ايطالى

تقدر انت تعيش فى ايطاليا ب 500 يورور silent
ههههههههههههه طيب والحل ايه يا مساعد؟؟؟؟؟
الله المستعان,,,,
نور صفحاتى دمت فى حفظ الله,,,,
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعرف تعيش فى مصر ب1000 جنيه؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كما تريد :: المنتدى العام-
انتقل الى: