منتدى فيه كل الي تتمناه
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 مختارات من رباعيات صلاح جاهين

اذهب الى الأسفل 
كاتب الموضوعرسالة
نور

avatar

المساهمات : 21
تاريخ التسجيل : 08/12/2008

مُساهمةموضوع: مختارات من رباعيات صلاح جاهين   الإثنين ديسمبر 08, 2008 1:31 pm

[color=blue][size=24][b]مختارات من رباعيات صلاح جاهين

يا عندليب ماتخافش من غنوتك
قول شكوتك و احكي عن بلوتك
الغنوة مش هتموتك إنما
كتم الغنا هو اللي هيموتك
!عجبي

يا للي بتبحث عن إله تعبده
بحث الغريق عن أي شيء ينجده
الله جميل و عليم و رحمن رحيم
إحمل صفاته ... و انت راح توجده
!عجبي

غمض عينيك و امشي بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ... تقع
!عجبي

أوصيك يا ابني بالقمر و بالزهور
أوصيك بليل القاهرة المسحور
و إن جيت في بالك ... اشتري عقد فل
لأي سمرا ... و قبري إوعك تزور
!عجبي

لو فيه سلام في الأرض و طمان و أمان
لو كان مفيش و لا فقر و لا خوف و جبن
لو يملك الإنسان مصير كل شيء
أنا كنت أجيب للدنيا ميت ألف ابن
!عجبي

جالك أوان و عرفت مشي الجنايز
كيف شفتها يا عبد رب اللذايذ
قال: شفت شيل بالحيل فقير أو أمير
كما شالوا في الحمامير فواضي القزايز
!عجبي

يا للي انت بيتك قش مفروش بريش
تقوى عليه الريح. يصبح مفيش
عجبي عليك حواليك مخالب كبار
و ما لكش غير منقار و قادر تعيش
!عجبي

أيوب رماه البين بكل العلل
سبع سنين مرضان و عنده شلل
الصبر طيب ... صبر أيوب شفاه
بس الأكاده مات بفعل الملل
!عجبي

يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
!عجبي

إقلع غماك يا تور و ارفض تلف
إكسر تروس الساقية و اشتم و تف
قال: بس خطوة كمان ... و خطوة كمان...
يا أوصل نهاية السكة يا البير يجف
!عجبي

أنا كل يوم أسمع ... فلان عذبوه
أسرح في بغداد و الجزاير و أتوه
ما اعجبش م اللي يطيق بجسمه العذاب
و أعجب م اللي يطيق يعذب أخوه
!عجبي

أنا قلبي كان شخشيخة أصبح جرس
جلجلت بيه صحيوا الخدم و الحرس
أنا المهرج ... قمتو ليه خفتو ليه
لاف إيدي سيف و لا تحت مني فرس
!عجبي

حبيت...لكن حب من غير حنان
وصاحبت لكن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي

إيش تطلبي يا نفس فوق كل ده
حظك بيضحك وانتي متنكدة
ردت قالت لي النفس: قول للبَشَر
ما يبصوليش بعيون حزينة كده
!عجبي

الدنيا أوده كبيرة للانتظار
فيها ابن آدم زيّه زي الحمار
الهم واحد...والملل مشترك
ومفيش حمار بيحاول الانتحار
!عجبي

بحر الحياه مليان بغرقى الحياه
صَرَخت خش الموج في حلقي ملاه
قارب نجاه!...صَرَخت قالوا مفيش
غير بس هو الحب قارب نجاه
!عجبي

إنشد يا قلبي غنوتك للجمال
وارقص في صدري من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
!عجبي

زحام وأبواق سيارات مزعجة
إللي يطول له رصيف...يبقى نجا
لو كنت جنبي يا حبيبي أنا
مش كنت أشوف إن الحياة مبهجه؟
!عجبي

إيديا في جيوبي وقلبي طِرب
سارح في غربة بس مش مِغترِب
وحدي لكين وَنسان وماشي كده
وبابتعد...ما اعرفش...أو باقترِب
!عجبي

فتحت شباكي لشمس الصباح
ما دخلش منه غير عويل الرياح
وفتحت قلبي عشان أبوح بالألم
ما خرجش منه غير محبة وسماح
!عجبي

أنا الذي عمري اشتياق في اشتياق
وقطر داخل في محطة فراق
قصدت نبع السم وشربت سم
من كتر شوقي وعشمي في الترياق
!عجبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الايطالى
عضو مبتدء
عضو مبتدء
avatar

المساهمات : 139
تاريخ التسجيل : 26/11/2008

مُساهمةموضوع: رد: مختارات من رباعيات صلاح جاهين   الإثنين ديسمبر 08, 2008 3:09 pm

غمض عينيك و امشي بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ... تقع
!عجبي

الله عليك يا صلاح يا جاهين,,,
والله عليكى يا نور,,,,
تسلمى ويسلم اختيارك,,,,
فى انتظار جديدك,,,,
دمتى فى حفظ الله,,,,
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشاكره لله
عضو نشط
عضو نشط
avatar

المساهمات : 209
تاريخ التسجيل : 25/11/2008

مُساهمةموضوع: رد: مختارات من رباعيات صلاح جاهين   الإثنين ديسمبر 08, 2008 5:00 pm

يا عندليب ماتخافش من غنوتك
قول شكوتك و احكي عن بلوتك
الغنوة مش هتموتك إنما
كتم الغنا هو اللي هيموتك
!عجبي


والله انا مبسوطة جدا بالموضوع ده
اشكرك عليه اصل صلاح جاهين ده اكثر من رائع
بيقول اللى احنا عايزين نقوله ببساطة
اشكرك جدا يانور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
comandar

avatar

المساهمات : 54
تاريخ التسجيل : 02/12/2008

مُساهمةموضوع: رد: مختارات من رباعيات صلاح جاهين   الخميس ديسمبر 11, 2008 4:02 am

لا تعليق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moh_freedom
مساعد المدير
مساعد المدير
avatar

المساهمات : 180
تاريخ التسجيل : 25/11/2008
العمر : 36

مُساهمةموضوع: رد: مختارات من رباعيات صلاح جاهين   الخميس ديسمبر 11, 2008 5:24 pm

تسلمى يا احلى نور


ونورك منور المنتدى ومنتحرمش من رباعياتك انتى كمان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مختارات من رباعيات صلاح جاهين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كما تريد :: المنتدى الادبي-
انتقل الى: