طفل في صلاة التراويح
كنا بنصلي التراويح في جامع كبير في الاسكندرية . الجامع ده بيطفي الانوار لما الصلاة بتبتدي ولما الامام اندمج في القراءة الناس بدأت تتأثر وبدأو يبكو. وكان في طفل واقف جنب والده ولما شاف والده بيبكي صعب عليه وراح قايل له بمنتهي البراءة "" معلش يا بابا ماتخافش دلوأتي ح يولعو النور تاني"" وطبعا لا انا ولا الناس اللي سمعو قدرنا نمسك نفسنا من الضحك.
البطيخة
مرة ماشي في الشارع قابلت اتنين صحابي وكلمتهم وسلمت عليهم ولما مشيوا امتار افتكرت نكتة رخمة كنت لسة سامعها فناديت عليهم وقولتلهم _مرة حلاق اشترى بطيخة قالها حتى انتي بتحلقي برة؟ ودول ماتوا من الضحك وانا استغربت _وفجأة لئيتهم بيشاورا على راجل اصلع جاى عليا بسرعة ومسكني من هدومي وقالي بتتمسخر على مين يالا؟ قولتله والله ماشوفتك _والصلعة كانت بتلمع ولما مشي كان في نفس طريقى واتضح انه خال الاستاذ الي انا رايح عنده الدرس
انتظروا المزيد